رساله الى الرجاله خدوا بالكوا اذا كنتوا بتقارنوا بينا وبين سلمى حايك

ايفة الستات" معلش مشيها الستات
عزيزتي الزوجة المطحونة في الطبيخ والغسيل والترويق كل يوم … بذمتك … كام مرة سمعتي الكلمتين البايخين دول من زوجك العزيز … وانتوا بتتفرجوا على التليفزيون … سواء كان بيتفرج على ممثلة او مطربة … بتاخد فلوس اصلا عشان تبقى جميلة وتعقد الستات الموجودة في الدنيا.
وكام قلبتيها خناقة وقلتيله:
"انت عنيك زايغة على الممثلات كمان … مالها … فيها ايه احسن مني …" معلش فيها كتير احسن منك الحقيقة يعني.
شوفي بقى ياختي … ان الاوان انك تتغيري وتثوري لكرامتك وتدوقيه من نفس الكاس … اه يعني اذا كان هو بيقارن بينك وبين سلمى حايك ويبص لها ويقولك شايفة الستات – مشيها الستات برضه – انتي كمان لما تشوفي فيلم فيه ريتشارد جير بصي له وقولي له:
"شايف الرجالة …"
وممكن كمان تزوديها شوية … تضيفي من عندك بعد ما تتصعبي:
"مش الكبب اللي احنا متجوزينهم"
ولو عايز تفرسيه قولي له كمان:
"ادي الرجالة اللي تشرح القلب وتخلي الواحدة تقتل نفسها عشان تبقى جميلة" يا عم الرجل اعلم انك بتتفرج على واحدة واخدة ملايين عشان تظهر في فيلم او كليب ساعة زمن وخلاص … وعندها كل شيء بميعاد والاكل والشرب والحموم بميعاد عندها مدلك خاص … وطبيب خاص … وبتاع تغذية خاص … والشغالين الخاص برضه … وبعدين دي ما بتعملش اي حاجة في اي حاجة غير انها تكون جميلة وتهتم بجمالها … يعني ولا بتربي عيال ولا بتذاكر لهم توفيرا لنفقات المدرسين الخصوصيين ولا بتطبخ طبعا ولا تغسل مواعين ولا تغسل هدوم … ولا بتروح الشغل في ميكروباص ولا تعرفك ولا عمرها شافتك ولا شمت ريحتك وانت راجع من الشغل كلك عرق وتراب.
وبعدين دي بتصرف ملايين على عمليات الشد والنفخ والحقن والتجميل والتكبير والتصغير وحاجات ما نعرفهاش خالص طب دي نصها بيبقى صناعي يعني الشعر والرموش والتضاريس والخدود والشفايف والبطن وكل حاجة.
يا جماعة الغلطة مشتركة يعني انتي بتهملي في نفسك … وانت كمان بتهمل في نفسك. يعني مثلا ما بتحلقش دقنك غير وانت خارج طب وانت في البيت لا ليه؟
وانتي بتهتمي بلبسك وانتي رايحة الشغل طب في البيت لا ليه؟
يا كل الستات … اذا جوازكم قالوا لكم: "شايفة الستات" – مشيها ستات بقى خلاص – قولي له ما تديني فلوس اروح اعمل عمليات زيها وانا ابقى احلى منها ميت مرة … بس … ساعتها حايسكت خالص … وحايحط همه في قلبه ويتفرج من سكات وهو ده المطلوب.

Laughing

» رساله الى مجهول
» رساله الى عينى
» رساله الى من جرحنى