شعبان عبد الرحيم: تعيش الناس سليمة وطظ فى الخنازير قادر ربنا يسترها ع القطط والكلاب

بعد أقل من ٤ أيام على إعلان اجتياح وباء أنفلونزا الخنازير، قفز المطرب الشعبى شعبان عبدالرحيم على سطح الأحداث، وبدأ الاستعداد لتسجيل أغنية جديدة عن المرض الجديد، يطالب فيها بقرار سيادى بإعدام جميع الخنازير فى مصر، وينصح فيها المواطنين بالجرى فور مشاهدتهم أى خنزير. الأغنية كتبها إسلام خليل وتقول كلماتها:
كوارثنا زادت كارثة
والوضع شكله خطير
قال يعنى كانت ناقصة أنفلونزا الخنازير
مرض خطير على البشر وبقولك وبوعيك
فى دولتين انتشر.. أمريكا والمكسيك
الأنفلونزا كترت وبقى مرض خطير
مبقتش طيور وبس.. بقت كمان خنازير
لو شفت يوم خنزيرة ولو شفت يوم خنزير
لازم تلحق وبسرعة تاخد بعضك وتطير
إيييييييه........
خنازير وطيور ولسه.. الناس جالها اكتئاب
قادر ربنا يسترها.. ع القطط والكلاب
بقول وبأعلى صرخة .. إحنا مش ناقصين سكوت
علشان خنزير وفرخة.. حرام الناس تموت
قفلنا كتير مزارع وعدمنا طيور كتير
عايزين قرار سيادى ونعدم الخنازير
ليه الخنازير تعيش ونضحى بناس كتير
تعيش الناس سليمة وطظ فى الخنازير
يا ريتهم يعدموها والناس فى أمان تبات
من غير ما الأمن يدخل ولا تحصل إضرابات
إسلام خليل قال لـ «المصرى اليوم»: منذ قرأت فى الصحف أخباراً عن «أنفلونزا الخنازير» قررت أن أكتب أغنية، واتصلت بشعبان عبد الرحيم وأبلغته بخبر انتشار المرض الجديد، فقال «هو فى حاجة اسمها مرض الخنازير».
سبق لشعبان أن قدم أغنيات شعبية ضد إسرائيل، وعن حال الأمة العربية وقضية دارفور والإرهاب وحوادث السكة الحديد واحتلال العر