لحد امتى نخاف ونقول ياحيطه داريني
كتير اوقات بتمر علينا لحظات بل ساعات بنلاقي نفسنا بنشعر بااحساس غريب
ممكن تصاحبه بعض الاعراض
ايوه ندخل على كلام الدكاتره ماتقلقوش التشخيص جاي
المهم نرجع لموضوعنا
الاعراض اللي بتكلم عليها ممكن تيجي على شكل
ضيق في التنفس
عرق غزير
قلبك بيضرب بسرعه وصوته في ودانك
تتخنق وكان حاجه واقفه في زورك
ايه ده كمان دوخه وممكن عدم اتزان حتقع من طولك
وكل ده من ايه من مجرد احساس غريب صغير قوي هو
الاحساس بالخوف
في ناس بتخاف من الموت وممكن تصحى من احلى نومه
وهي بترتعش وتشوف اي حد تكلمه او تصحي الناس من النوم
ممكن تخاف من المرض
خوف من الاماكن المرتفعه (انا بخاف من كده بصراحه وكل الاعراض اللي فاتت
بتجيلي وانا ببص من شباك في الدور العاشر مثلا ماعلينا سيبكم مني)
نكمل كلامنا
خوف من مواجهة الناس مثلا تتعرض لموقف
انك تتكلم امام مجموعه من الناس والناس كلها بتبص عليك
في ناس بتخاف من الحيوانات قطه مثلا
وفي من الحشرات
في ناس بتخاف تعدي الشارع وممكن تركب تاكسي تقولوا وديني الناحيه التانيه
عادي فيها ايه كل واحد حر في خوفه
الخوف في حد ذاته مشكله
لكن المشكله الاكبر لما نشوف الاثار اللي بتيجي
بعد الخوف
ممكن تخلي الشخص انطوائي مابيكلمش الناس يخاف يواجهم
يتنازل عن حقه في الدفاع عن رايه
مايقدرش يناقش ويجادل يعني ممكن يؤدي الى انعدام الثقه
بالنفس
ممكن في ناس بتاخد عقاقير نفسيه ممكن تعرضها للادمان
وكل ده للتخلص من هذا الشعور او الاحساس
المهم في الموضوع العادي هو
الخوف
بتخاف من ايه ؟
الموقع
موضوع: الخوف 
الأربعاء يونيو 24, 2009 6:36 pm
