حكايتى مع كلمه اسمها الحب ( 3 شهور من الحب حكيت ادم

[size=16]الشهر الاول : ...................................[/size]

[size=16]فى البدايه الكلام اللى هقوله ممكن حد يضحك عليه بس انا بقول اللى انا حاسه واللى حصل
انا ياجماعه كنت راجل فى حالى فى الكليه وشغال فى محل موبيلات يعنى كنت عارف بنات بتيجى المحل المهم فى يوم لقيت واحده من اللى انا ليا كلام معاهم وجايبا واحده صاحبتها وبتقولى يا ادم صحبتى وجعه دماغى عاوزه تكلمك قولتلها انا مش عاوز هزار خليها تمشى المهم فضلوا كام ساعه عشان اتكلم معاها وانا مش فى دماغى وبعد كده زهقوا وقولت مش هيجوا تانى . تانى يوم جاءت هى وصحبتها فحسيت انى زعلتهم وانا مبحبش ازعل حد منى فقولتلهم انا اسف انا بس كنت تعبان شويه امبارح واتكلمنا مع بعض وخدنا ارقام تليفونات بعض وبعد كام يوم قالتلى بحبك وقلتلها بحبك . لما اصحابى عرفوا زعلوا منى وقالولى ازى تحب واحده زى دى دى عرفت قبلك كم واحد وبتعمل وبتعمل واللى يقولى يابنى خد منها اللى انت عاوزه واللى يقولى خود منها فلوس واللى يقولى ممكن سهل قووى تخودها فى شقه وكلام كتيرررر والكلام ده وجعنى قوى وكنت بدأت اتعود عليها . وقولت لصحابى ياجماعه حتى لو هى وحشه لما تلقينى بحبها عمرها ما هتقدر تجرحنى لا بكلمه ولا نظره ولا باى حاجه وهتحبنى هو ليه الناس بتظلم بعضها ده ربنا بيسامح مهما انت غلطت احنا بنقسى على بعض ليه . قولتلها الكلام ده عيطت قودامى وقالتلى ناس زباله قولتلها فعلا ايه بقه الحقيقه واللى هتقوليه هصدقه ومش هسئل حد تانى واعرفى انا عمرى ما هسامحك لو كدبتى عليا فى اى كلمه قالت شويه كلام فاضى وانا صدقت زى المغفل وكمان انا كنت شغال ومش فاضلها يعنى يابكلمها فى التليفون يا بتيجى اشوفها شويه وهى تعمل اللى هى عوزاه بعد كده عادى يعنى وكده اول شهر خلاص وانا كنت حبتها ومش عارف ايه اللى فى الموضوع .

الشهر الثانى : ......................................

بدأت المشاكل وزعلت مع ناس كتير من اصحابى بسبها ومع اهلى وطبعا هى مش عاوزه مشاكل وقالتلى يا ادم احنا نبعد شويه عن بعد يعنى كنت سبت الشغل وفضيت لها وهى طبعا مش عاوزه واحد يقولها اعملى ده ومتعمليش ده لا هى عاوزه تعمل اللى هى عاوزه لما قالت كده جبت سكينه وقطعت حته صغيره من ايدى وكتبتلها بحبك على ورقه بالدم وقولتلها ابعدى زى ما انتى عاوزه تانى يوم كلمتنى ورجعنا زى الاول وعادى وبعد كده عاوز اشوفك تقولى مش فاضيه طب بكره لا طب بعده لا طب سنه 2010 قبل كاس العالم بيوم لا حسيت انها اتغيرت فى الاول كانت تتصل بيا عادى وانا اتصل بيها دلوقتى لما تعوز تلكمنى تبعتلى كلمنى شكرا اكلمها لما ملهاش مزاج تتكلم ممكن تكلم واحد تانى عادى يعنى مفيش مشكله.قولت لها فى ايه انتى بتعملى معايا كده ليه انتى عارفه يعنى ايه كلمه بحبك اللى انا قولتهالك يعنى انا اعمل ايه عشانك وانتى تعملى ايه عشانى هى كلمه من اربع حروف بس محتاجه اربعه مليون حرف عشان تعرفى معناها جوه قلبى ليكى . بلاش القسوه اللى فى قلبك دى وبلاش التقل ده الحب مش تقل ابدا .وطبعا كالعاده الكلام مبيغيرش حاجه فى النوع ده لانه فقد الاحساس بالحب يعنى مش ماشى بقلب لا ماشى بكيس قلبظ .انا كلمتها فى الموبيل بحوالى 1000 جنيه كروت شحن كنت ممكن اكلمها 5 ساعات فى يوم عادى لانى كنت حاسس انى عاوزها جمبى طول عمرى . فى الفتره دى حسيت انى عملت جوه قلبى نقطه سوده هتفضل معلمه فيه . صدقت كل الكلام اللى انا مكنتش مصدقه وشوفت قودام عنيه كل الكدب اللى انا كنت بصدقه . دى كدبت عليا اكتر من اهداف كاس الامم الافريقيه

الشهر الثالث : ......................................

شوفتها على اصلها وعرفت هى كانت عاوزه تتكلم معايا ليه عملتنى كوبرى وياريت كوبرى علوى لا ده كوبرى سوفلى كانت عاوزه تغيظ بيا اللى بتحبه . وكمان ادت التليفون بتاعها اللى بتحبه هديه وتقولى التليفون انكسر وانا اصدق . لما عرفت كده بقيت عامل زى النار اللى المايه متعرفش تطفيها لا المايه تخليها تبقى نار اكتر وقولت اهدى بقه وشوف هتعمل معاها ايه نسيت الحب وكل الكلام ده طبعا وبدات اكلمها انا نفسى ابوسك نفسى احضنك وامشى معاها فى الطريق عشان طريق الحب ده مش سكتها وسجلت لها معايا الكلام ده وصورتها كم صوره . لما حست انى اتغيرت اصل انا مكنتش بتكلم معاها كده قالتلى انا فى البيت لو عاوزنى تعالى اخطوبنها . زعلت انى سجلتها وقولت كفايه اللى باعك بيعه وارتاح وقولت لواحد صاحبى جيب الصور بتاعتى اللى عندها وخلاص . صاحبى يكلمها تضحك وتقوله هو لسه فاهم انى مش عاوزه . الكلمه وجعتنى قوى بس قولت انا اللى غلطان انى اديت الامان لوحده متستهلش وكفايه لحد كده وجبت الصور بتاعتى انا كنت ممكن اخلى مامتها تشوف بنتها كانت بتعمل ايه او صورها بس مالوش لزمه هستفيد ايه الذاكره الحلوه احسن من انى اخلى اى حد يكرهنى مهما كان هى كانت فى قلبى فى يوم وتانى يوم اشوفها مع اللى بتحبه فى نفس المكان اللى كنا فيه . بس فى يوم من الايام فى واحد هيضحك عليها زى ما خلتنى ضحكه قودام اصحابها واصحابها وكنت انا المغفل .

* اهم حاجه فى الموضوع ده انا عرفتها ازاى انا قبل ما اشوفها بيوم واحد كنت زعلان كنت حاسس بالغدر من ناس كتير وبقول يارب ليه محدش بيعرف يحب حد كله الناس بتعرف بعضها عشان تاخد اللى عاوزه من بعض وقولت يارب ابعتلى واحده احبها اديها الحب اللى فى قلبى ونمت وصحيت وحصل الموضوع ده كله وانا مبكذبش فى اى كلمه ده اللى حصل واللى حصل ده لان ربنا رب قلوب حاسس انى طلبت الحاجه دى منه بصدق وربنا شاهد عليا . انا كان فى قلبى ليها حب قد ايه ومكنتش احاول اعمل معاها حاجه غلط ابدا ربنا ادانى اللى انا عاوزه عشان افوق واشوف حاجات انا مكنتش شايفها ابدا . انا عارف انى طلبى دة غلط بس انا معرفش انا قولت اللى كنت حاسه وربنا يسامحنى .

الكلام ده ممكن يخلى ناس تضحك على كلامى وممكن ناس تقول انت عبيط ومكن ناس تقول انت بتشتغلنا بس انا حبيت اقول الكلام اللى فى قلبى واللى حصل واللى لو قولته قودام حد ممكن يضحك عليك .

انا عايز حد يرد عليا

[/size]

__________________

[ندعوك للتسجيل في المنتدى أو التعريف بنفسك لمعاينة هذه الصورة]

» ما الذي يميز الحب الحقيقي عن الحب الزائف؟
» كلمه لصدام
» الحب الأول ..
» التضحيه فى الحب
» بكل الحب هنتكلم عن الحب